नवी दिल्ली India Coronavirus Updates : कोरोना विषाणू जगासमोर येऊन आता जवळजवळ १  वर्षाचा कालावधी झाला आहे, पण अजूनही ही महामारी संपण्याचं नाव घेत नाहीये. पण, काही देशांनी या विषाणूपासून आपली सूटका करुन घेतली आहे, तर काही देश अजूनही महामारीविरोधात लढत आहेत. भारतापुरतं पाहायचं झालं तर देशात गेल्या काही दिवसांपासून कोरोनो विषाणूचा आलेख उतरता राहिला आहे. बुधवारी म्हणजे १६ डिसेंबरला मागील २४ तासात कोरोना विषाणूचे २६,३८२ नवे रुग्ण आढळून आले आहेत, तर ३८७ लोकांचा मृत्यू झाला आहेत. आरोग्य मंत्रालयाकडून ही आकडेवारी जाहीर करण्यात आली आहे. 

बिहारमध्ये कोरोना लस मिळणार फ्री; नव्या 20 लाख रोजगारांचीही घोषणा

देशात सध्या ३,३२,००२ कोरोनाचे सक्रिय रुग्ण आहेत. कोरोनाबाधित रुग्णांचा आकडा ९० लाखांच्या पार केला आहे.  देशात आतापर्यंत ९९,३२,५४७ लोकांना कोरोनाची लागण झाली आहे. देशात १,४४,०९६ लोकांना कोरोना विषाणूमुळे आपला जीव गमावावा लागला आहे. रिकव्हरी रेट ९५ टक्क्यांच्या पुढे गेला असून देशात ३.३४ टक्के सक्रिय रुग्ण आहेत. आतापर्यंत ९४,५६,४४९ लोकांना घरी सोडण्यात आले आहे. गेल्या २४ तासात ३३,८१३ लोकांना डिस्चार्ज देण्यात आला. बुधवारी सकाळी ८ पर्यंतची ही आकडेवारी आहे.

कोरोना महामारीने हाहाकार माजवला असला, तरी गेल्या काही दिवसांपासून कोरोनाग्रस्तांची संख्या कमी होत आहे.  भारतात मंगळवारी 22,065 कोरोनाचे नवे रुग्ण सापडले होते, तर 354 कोरोना रुग्णांचा मृत्यू झाला होता. गेले वर्षभर कोरोना नावाचा विषाणू संपूर्ण जगभरात धुमाकूळ घालतो आहे. या विषाणूमुळे संपूर्ण जगाची अर्थव्यवस्था कोलमडली होती. दिर्घ अशा लॉकडाऊननंतर काही ठिकाणची परिस्थिती आवाक्यात येत आहे. ब्रिटन देशांनंतर आता अमेरिकेनेही लसीकरणास सुरवात केली आहे. भारतातही लवकरच लशीला मान्यता मिळवून लसीकरणास सुरवात होणार आहे.